portfolio
E puer Projeten, déi ech am Kader vu menger professioneller Aktivitéit an als Schrëftstellerin ëmgesat hunn.
© Dan Mailliet
© Bohumil Kostohryz
Geschichten & Theater
Theater & other Projects
Magic Forest - Summerdream Steinfort
En Theaterstéck fir Kanner vu 6-10 Joer, dat am Kader vum Summerdreamfestival 2022 mat Liichtinstallatioune vun der ASBL Aktikulti an ënnert der Leedung vum Nicole Tomasina an der fräier Natur opgefouert gouf.
D’Lotti sicht seng Noss (Philharmonie)
Literaresch Kreatioune fir Kanner vun 3-5 Joer am Kader vum Naturfestival (Saison 2022/23). D’Stéck gouf vum Caroline Richards inzenéiert.
Dee klengen Zauberer Igibus (Philharmonie)
Textbuch fir d’Philharmonie am Kader vum Magiefestival. D’Stéck gouf vum Sarah Scherer inszenéiert.
E Stär fir de Granz-Mulles
Theaterstéck am Kader vum Summerdream Festival 2023. E spannend Stéck, dat d’Empathie fërdert, Solidaritéit thematiséiert, ouni moralesch ze sinn.
Dee klenge Stär
En interaktiivt Stéck fir Kanner vun 3-5 Joer, dat d’Imaginatioun vun de Kanner fërdert.
De Mukami an de Picki-Ricki
Mëtten an der Nuecht, mécht sech dee klenge, virwëtzege Mukami op Entdeckungstour an de Bësch. Ma net jiddereen ass iwwert säi spontane Besuch amuséiert. An och dem Mukami säi Kolleeg Pit ass onglécklech datt de Mukami einfach esou verschwonnen ass. Gutt, datt d’Kanner him hëllefen, säi Frënd nees erëmzefannen. Eng musikalesch Geschicht iwwert d’Ëmwelt, Frëndschaft an Zesummenhalt.
Den Jay-C Casagrande muss gestoppt ginn
Dem Jay-C Casagrande säin Numm ass Programm! Hien ass e Visionär, deen net nëmme grouss gesäit, mee och wierklech grouss erauskënnt. Deen eenzegen Hai ënnert deene mickregen Immobiliecrevetten, wéi hie fënnt. Kee Wonner, datt hien e Megaplang huet: dee ganze Bësch ofholze fir dono lukrativ Cuben ze bauen. Dat erfreet d’Bëschbewunner, dorënner d’Elfen Rätschi an Dätschi ganz a guer net.
Si sinn sech eens, datt den Jay-C Casagrande muss gestoppt ginn! En Challenge, deen net ganz ouni Komplikatioune verleeft…
Eng witzeg-spannend Geschicht, déi zum Nodenken awer och zum Laache beweegt, fir Erwuessener a Kanner, inszenéiert vum Nicole Tomasina.
Dive into nature
DIVE INTO NATURE, e participative Projet fir Jonker vun 12 bis 20 Joer, dee verschidde Konschtforme matenee kombinéiert.
DISCIPLINES & COLLECTIF ARTISTIQUE
Danse : Elisabeth Schilling (Concept & chorégraphie)
Vidéo : David Laplant
Costumes : Natercia Rebelo
Écriture créative : Anja di Bartolomeo
D’Sich nom verluerene Séipäerd
Textbuch fir d’Philharmonie op Basis vun enger gemeinsamer Iddi mam Elena Selena (Gallimard) fir Kanner vu 4-6 Joer.
Kannerkëscht Radio 100,7
Zënter e puer Joer schreiwen ech Geschichte fir de Radio 100,7 an huelen se och selwer op. Cible si Kanner vun 3-12 Joer. E puer dovunner fannt dir ënnert folgende Links.
De Jos an déi Saach mam Roby Robocat
Den Dag wou den Terminator vum Muckel Mierschwäin ageotemt gouf
De Jos an di krass Dännebamrevanche
De Mukami sicht d’Chrëschtkëndchen
De Jos an déi aussergewéinlech Schnéinonna
De Jos an déi onvergiesslech Ouschterrees op Roum
De Jos an de King Gangsta Buba Ti
Léisegeld fir de Roby Robocat: E Lauschterstéck fir d’Kannerradionuecht
Awareness Projects
CHEM
Verschenk Däi Stär
Eng sozio-edukativ Aktioun, déi e solidarescht Netzwierk schaaft. Zesumme mat iwwert 30 Maisons Relais goufen am Laf vun de Joren Dausende vun Häerzer a Stäre gebastelt an un d’Patienten aus dem CHEM verdeelt.
Red-y
Eng Anti-HIV Campagne am Kader vu menger berufflecher Karriär am CHEM. Zesumme mat der HIV-Berodung vun der Croix-Rouge, dem Lycée de Garçons Esch a parrainéiert vum Gesondheetsministère. Fir déi Jugendlech an hirer eegener Sprooch ze sensibiliséieren, gouf e Flyer opgestallt an e Sensibiliséierungs-Musical mat Schüler aus dem LGE opgefouert.
Pink Mob
E Flash-Mob als Zeeche vu Solidaritéit fir Leit, déi vun engem Broschtkriibs betraff sinn.
CHDN
Gléckssteen
Eng transversal a multicibléiert Campagne am Kader vun der Journée Cancer. Duerch en Appel d'offres goufen 30 Lëtzebuerger Kënschtler*inne mobiliséiert, e Wierk ze spenden, déi duerch Done parrainéiert goufen, fir dono u Strukture gespent ze ginn. Highlight vun der Aktioun war eng Ausstellung am CAPE, kuratéiert vum Danielle Igniti.
Wéi geet et Dir?
Eng grouss ugeluechte Campagne zu der Santé Mentale, déi als Objektiv hat, Tabuen ze briechen a méi Oppenheet ze fërderen. D’Interviewe mat betraffene Mënschen, déi op Facebook publizéiert goufen, haten 300.000 Views.
Am Kader vun der Campagne gouf zesumme mam Centre psycho-social et d'accompagnement scolaires (CePAS) de Projet #Shareyourcloud an d’Liewe geruff, e Projet, dee mir ganz besonnesch um Häerz loung.
